მზის პანელების გამოყენება

მზის პანელების გამოყენების შესაძლებლობები საკმაოდ ფართოა. მათგან რამდენიმე შეგვიძლია მოვიყვანოთ.

საწარმოებისთვის

ელექტროენერგიის გადასახადის მუდმივად მზარდი ტარიფების და ეკოლოგიური მდგომარეობის გაუარესების ფონზე, საწარმოებისთვის საუკეთესო გადაწყვეტილებაა სუფთა და მდგრადი ენერგიის წყაროებზე გადასვლა.

მზის პანელების გამოყენების შემთხვევაში საწარმო:

• იყენებს განახლებად ენერგიას, რომლის წყარო - მზე ამოუწურავია;
• ხდება ეკომეგობრული, რაც ნიშნავს, რომ მისი მუშაობა არ აყენებს ზიანს გარემოს;
• იძენს ეკოლოგიურად პასუხისმგებელი სუბიექტის სახელს, რაც აძლევს შესაძლებლობას მიიზიდოს გარემოსდაცვით საკითხებში გაცნობიერებული მომხმარებლები, ინვესტორები და პარტნიორები, რითაც ძლიერდება მისი იმიჯი და პოზიცია ბაზარზე;
• საკუთარი ავტონომიური ელექტროენერგიის გამომუშავებით არ არის დამოკიდებული ტრადიციულ ცენტრალურ ენერგომომარაგებაზე და თავისუფალია მასზე მუდმივად მზარდი გადასახადებისგან. ეს კი იძლევა ხარჯების შემცირების შესაძლებლობას, რაც გადამწყვეტია კონკურენტუნარიანობის შესანარჩუნებლად.
• აქვს საჭიროების შემთხვევაში სიმძლავრის გაზრდის შესაძლებლობა.
• შეუძლია ისარგებლოს სახელმწიფოს ხელშეწყობის პროგრამებით, საგადასახადო შეღავათებით და სხვა ფინანსური წახალისებებით ბიზნესისთვის, რომელიც ახდენს ინვესტირებას მზის ენერგიაში.

სასტუმროებისთვის

სასტუმროების მოთხოვნილება ელექტროენერგიაზე საკმაოდ მაღალია. სტუმრებისთვის კომფორტული გარემოს მოწყობა მოითხოვს საკმაოდ დიდ დანახარჯებს ელექტროენერგიაზე: ოთახების გათბობა და კონდიცირება, მაცივრები, ცხელი წყლით მომარაგება, სადღეღამისო განათება, საცურაო აუზები, სპა, რესტორნები, ბარები, ასევე სპეციალური ღონისძიებებისა და საქმიანი კონფერენციების გამართვა. ეს დანახარჯები საგრძნობლად აისახება ბიუჯეტზე.

სასტუმროში მზის პანელების გამოყენებით:

• საკუთარი ელექტროენერგიის გამომუშავებით მიიღება დანახარჯების საგრძნობი ეკონომია.
• მიიღწევა ენერგომომარაგების სტაბილურობა - ენერგეტიკული მდგრადობა.
• მოკლე ჩართვის რისკი დადის ნულამდე, რაც ერთ-ერთი  მნიშვნელოვანი უპირატესობაა უსაფრთხოების კუთხით.
• საგრძნობლად იზრდება საკუთრების ღირებულება.
• სასტუმრო იძენს ეკომეგობრულ სტატუსს, რამაც შესაძლებელია მოიტანოს კარგი სარეკლამო ეფექტი.

მზის პანელების მონტაჟი მარტივად შესაძლებელია სასტუმროს სახურავზე. მათი მუშაობა სრულიად უხმოა და არ მოითხოვს დამატებით მომსახურებას.

მეურნეობისთვის

მზის პანელების დამზადების თანამედროვე ტექნოლოგიების მრავალფეროვნებამ ეფექტური გახადა მზის ენერგიის გამოყენება სოფლის მეურნეობაში სხვადასხვა მიმართულებებით.

• მზის პანელების განთავსებით სათბურების, მეცხოველეობის და მეფრინველეობის ფერმების სახურავებზე, სადაც მაღალია ელექტროენერგიის მოხმარება, გრძელვადიან  პერსპექტივაში ნულამდე დადის ელექტროენერგიის გადასახადი.
•  მზის პანელების მონტაჟი ბოსტნეული, ბაღჩეული და კენკროვანი კულტურების ნათესების თავზე ან მწკრივებს შორის, მიწიდან გარკვეულ სიმაღლეზე ოპტიმალური დახრით იძლევა შესაძლებლობას ელექტროენერგიის გამომუშავებასთან ერთად სასოფლო სამეურნეო ნათესებისთვის უზრუნველყოფილი იქნას მათთვის საჭირო ოპტიმალური განათება და საგრძნობლად გაიზარდოს მათი მოსავლიანობა.
• სარწყავი სისტემების და წყლის ტუმბოების ელექტრომომარაგება მზის ენერგიით იძლევა საშუალებას ქსელიდან დამოუკიდებლად წყლის რესურსების უფრო მდგრადი მართვისთვის.
• მზის ბატარეების გამოყენება ასევე ეფექტურია თევზების მოსაშენებელ ფერმებში. მზის პანელების წყალზე მონტაჟი იძლევა წყლის ტემპერატურის კონტროლის და გარემოს გაუმჯობესების საშუალებას.

საკუთარი სახლისთვის

მზის პანელებით მიიღება მდგრადი, ეკონომიური და სუფთა ელექტროენერგია, რაც იძლევა ენერგეტიკულ დამოუკიდებლობას ტრადიციული ქსელებისგან, რომელთა გათიშვა შესაძლებელია სხვადასხვა გაუთვალისწინებელი სიტუაციების გამო და რომელთა ფასები მუდმივად მზარდია. მზის ენერგიის გამოყენებით მცირდება ელექტროენერგიის დანახარჯები, რაც მნიშვნელოვანია ფინანსური სტაბილურობის შენარჩუნებისთვის. სუფთა, განახლებადი ენერგიის არჩევით, სახლის მფლობელებს თავისი წვლილი შეაქვთ გლობალურ ძალისხმევაში კლიმატის ცვლილებასთან საბრძოლველად და პლანეტის მომავალი თაობებისთვის შესანარჩუნებლად.

მზის ფერმის მოწყობა

მდგრადი ენერგეტიკული გადაწყვეტილებების ძიებაში, მზის ფერმები გამოჩნდა, როგორც განახლებად ენერგიაზე გადასვლის გლობალური შესაძლებლობა. მზის პანელების ეს უზარმაზარი მასივები იყენებენ მზის უხვ ენერგიას, რათა დიდი მასშტაბით გამოიმუშაონ სუფთა ელექტროენერგია.

მზის ფერმების მოწყობა იძლევა არა მხოლოდ სუფთა, განახლებადი ენერგიის გამომუშავების შესაძლებლობას, არამედ ხელს უწყობს უფრო მდგრად მომავალს. უახლესი ტექნოლოგიებისა და საუკეთესო პრაქტიკების გამოყენებით მზის ფერმის მშენებლობაზე დახარჯულ თანხას ინვესტორებისთვის, დეველოპერებისთვის თუ უბრალოდ მიწის მესაკუთრეებისთვის აქვს უზარმაზარი პოტენციალი გრძელვადიანი სარგებლისთვის.

დაფინანსება საქართველოში

მზის პანელების შეძენა და დამონტაჟება საკუთარი თუ ბიზნეს საჭიროებებისათვის გარკვეულ მატერიალურ რესურსს მოითხოვს. თუმცა ენერგოეფექტური პროექტების განხორციელებისთვის საჭირო დაფინანსების მიღება შესაძლებელია ენერგოკრედიტების, ლიზინგის, გრანტების და  სხვადასხვა პროგრამების სახით.

დღევანდელ დღეს, როდესაც განახლებადი ენერგიების წარმოება და განვითარება ჩვენი ქვეყნისთვის ერთ-ერთ პრიორიტეტულ მიმართულებას წარმოადგენს, კომპანიებს, რომლებიც აწარმოებენ ელექტროენერგიას ალტერნატიული წყაროებიდან,  სახელმწიფო სთავაზობს ფინანსურ ხელშეწყობას, რაც სამომავლოდ დადებითად აისახება საქართველოს ენერგეტიკულ, ეკონომიკურ და ეკოლოგიურ სტაბილურობაზე. სახელმწიფო პროგრამით გათვალისწინებული დაფინანსების შესახებ ინფორმაციას შეგიძლიათ გაეცნოთ "აწარმოე საქართველოს" ვებსაიტზე.