მზის ენერგია დღეს ერთ-ერთ ყველაზე პერსპექტიულ და ეკოლოგიურად სუფთა ენერგიის წყაროდ ითვლება, რადგან მნიშვნელოვნად ამცირებს ელექტროენერგიის ხარჯებს და გარემოზე მავნე ზემოქმედებას. ამ უპირატესობების გათვალისწინებით მზის ენერგიის გამოყენება საქართველოში, სადაც ეს რესურსი უხვად გვაქვს, სულ უფრო პოპულარული ხდება. ასევე თუ აქამდე ფინანსური მხარე წარმოადგენდა დაბრკოლებას დაინტერესებული პირებისთვის, დღეისათვის მზის პანელების დაფინანსება საქართველოში შესაძლებელია სხვადასხვა მხარდამჭერი პროგრამებისა და გრძელვადიანი ენერგოკრედიტების დახმარებით.
სახელმწიფოს ხელშეწყობა მწვანე ეკონომიკის განვითარებისთვის, ენერგიის ალტერნატიულ წყაროებზე გადასვლის საშუალებას აძლევს არა მარტო კომპანიებს, არამედ ფიზიკურ პირებსაც. მათთვის, ვინც დაინტერესებულია მზის ენერგიაში ინვესტიციით, ხელმისაწვდომია დაფინანსების სხვადასხვა ვარიანტები, რომლებიც იძლევიან მზის პანელების შეძენის და მონტაჟის საშუალებას. ეს განსაკუთრებით მნიშვნელოვანია რეგიონების ენერგოდამოუკიდებლობის მისაღწევად.
სტატიაში განვიხილავთ საქართველოში ხელმისაწვდომ მზის პანელების დაფინანსების ძირითად წყაროებს, როგორებიცაა „აწარმოე საქართველოში“, ევროპის რეკონსტრუქციისა და განვითარების ბანკის (EBRD) პროექტები და გრძელვადიანი ენერგოკრედიტები ბანკებიდან.
აწარმოე საქართველოში
„აწარმოე საქართველოში“ ერთ-ერთი უმნიშვნელოვანესი სახელმწიფო პროგრამაა, რომელიც ბიზნესებს მრავალმხრივ ფინანსურ დახმარებას სთავაზობს. განახლებადი ენერგიების წარმოება და განვითარება ქვეყნის ერთ-ერთი პრიორიტეტული მიმართულებაა, რადგან ის ენერგეტიკის დარგის და ენერგომომავალის განვითარებას უწყობს ხელს. ამიტომ სახელმწიფო აქტიურად ეხმარება კომპანიებს, რომლებიც მზის, ქარისა და ჰიდრო ელექტროენერგიას აწარმოებენ.
“აწარმოე საქართველოში” ბიზნეს უნივერსალის კომპონენტს დაემატა ეკონომიკური საქმიანობა – ელექტროენერგიის წარმოება. სესხით/ლიზინგით სარგებლობისათვის სავალდებულოა, რომ ობიექტი აწარმოებდეს მზის, ქარის ან ჰიდრო ენერგიას და მათი დადგმული სიმძლავრე არ აღემატებოდეს 0.5 მეგავატს. ახალი პროგრამა, რომელიც მიკროსიმძლავრეების დაფინანსებას ემსახურება, განსაკუთრებით მნიშვნელოვანია მათთვის, ვისაც სურს მზის სადგურის მოწყობა. პროგრამის ფარგლებში, შესაძლებელია დაფინანსების მიღება მზის პანელების შესაძენად და სამონტაჟოდ.
სესხის პროცენტის სუბსიდირებას პროგრამა ახორციელებს სესხის სრული ვადით – რეფინანსირების განაკვეთს გამოკლებული 5%-ის ოდენობით. პროგრამის ფარგლებში ასევე შესაძლებელია დამატებითი სარგებლის მიღება უზრუნველყოფის ნაწილში.
„აწარმოე საქართველოში“ ხელს უწყობს ენერგეტიკული ინოვაციების დანერგვას, რაც ეკონომიკის მდგრად განვითარებას ეხმარება. ეს პროგრამა წარმოადგენს ერთ-ერთ ყველაზე ხელმისაწვდომ და საიმედო გზას საქართველოში მზის ენერგიის პროექტების დასაფინანსებლად.
EBRD-ის პროგრამა
ევროპის რეკონსტრუქციისა და განვითარების ბანკის (EBRD) პროგრამა ასევე მნიშვნელოვან როლს თამაშობს მზის ენერგიის პროექტების დაფინანსებაში. EBRD-ი მხარს უჭერს მრავალი სახის საინვესტიციო პროექტს. მისი მიზანია ხელი შეუწყოს ინვესტიციებს ეკოლოგიურად სუფთა და მდგრად ენერგიაში. აღნიშნული პროგრამის ფარგლებში, შესაძლებელია დაბალპროცენტიანი სესხების მიღება, რომლებიც განკუთვნილია ენერგოეფექტურობის გაუმჯობესებისა და განახლებადი ენერგიის წყაროების გამოყენების მხარდასაჭერად.
EBRD-ის საკრედიტო ხაზი აერთიანებს სესხის/ლიზინგის დაფინანსებას, უფასო ტექნიკურ დახმარებას და საგრანტო კომპონენტს, რომელიც დაფინანსებულია ამ ინიციატივის ფარგლებში. მოქნილი დაფინანსების პროგრამა აძლევს მიკრო, მცირე და საშუალო ბიზნესებს და ინდმეწარმეებს სხვადასხვა ტიპის სესხის მიღების საშუალებას.
პროგრამა სთავაზობს მომხმარებლებს პროგნოზირებად სესხებს ეროვნულ ვალუტაში 3-დან 5 წლამდე ვადით. ინვესტიციების შედეგად, კომპანიებს საშუალება ეძლევათ შეამცირონ ხარჯები, გააუმჯობესონ ენერგიის მოხმარების ეფექტურობა და მიიღონ ტექნიკური ექსპერტების კონსულტაცია.
გრძელვადიანი ენერგოკრედიტი
მზის ელექტროსადგურების დაფინანსების კიდევ ერთი გზა გრძელვადიანი ენერგოკრედიტებია. ეს კრედიტები გამიზნულია იმ ბიზნესებისა და კერძო პირებისთვის, რომლებსაც სურთ განახლებადი ენერგიის წყაროს, კერძოდ მზის პანელების გამოყენება. გრძელვადიანი ენერგოკრედიტები უზრუნველყოფენ პროექტების ხანგრძლივ დაფინანსებას, რაც გულისხმობს შემოსავლებზე მორგებულ მოქნილ დაფარვის გრაფიკს.
გარემოზე ზრუნვით და ხარჯების შემცირების მიზნით, საქართველოს ბანკმა დანერგა ეკომეგობრული პროდუქტი ელექტროენერგიის წყაროს ჩანაცვლებისთვის − ენერგოკრედიტი მზის ელექტროსადგურებისთვის. საქართველოს ბანკში ენერგოკრედიტის მოთხოვნა შესაძლებელია ონლაინ, გამარტივებული პროცედურითაც. ბანკი მომხმარებლებს სთავაზობს შესაძლებლობებზე მაქსიმალურად მორგებულ საუკეთესო პირობებს. დაწვრილებით სესხის პირობებს შეგიძლიათ გაეცნოთ ბანკის ვებ-გვერდზე:
მზის პანელების ხელმისაწვდომობისა და ენერგოდამოუკიდებლობის ხელშეწყობისთვის თიბისი სთავაზობს მომხმარებლებს გრძელვადიან სესხს მზის პანელების შეძენის მიზნობრიობით. კომპანია პარტნიორ ორგანიზაციებთან ერთად მოხმარებლებისთვის სხვადაასხვა სარგებელს აწესებს. დაწვრილებითი ინფორმაცია სესხის პირობების შესახებ შეგიძლიათ იხილოთ ბანკის ვებ-გვერდზე:
დასკვნა
დღეისათვის მზის პანელების დაფინანსება სხვადასხვა გზებით არის შესაძლებელი, რაც მათ ხელმისაწვდომობას მნიშვნელოვნად ზრდის. სახელმწიფო პროგრამა „აწარმოე საქართველოში“, EBRD-ის ინიციატივები და გრძელვადიანი ენერგოკრედიტები ხელს უწყობენ მზის ენერგიის აქტიურ ათვისებას საქართველოში.
თუ დაინტერესებული ხართ მზის პანელების მონტაჟით ან მზის ელექტროსადგურის მოწყობით, Step Energy გთავაზობთ სრულ სამონტაჟო მომსახურებას – დაპროექტებიდან აღსრულებამდე. ჩვენ წარმატებით ვახორციელებთ როგორც მცირე, ასევე დიდი პროექტებს, რაც უზრუნველყოფს თქვენს ენერგოდამოუკიდებლობას და ხარჯების ოპტიმიზაციას. დაგვიკავშირდით და ჩვენი პროფესიონალთა გუნდი დაგეხმარებათ, რომ დაიწყოთ მზის ენერგიის უპირატესობების გამოყენება თქვენი მდგრადი მომავლისათვის.