მზის პანელების ფასი: რა ჯდება მზის პანელები საქართველოში

მზის ენერგია სულ უფრო პოპულარული ხდება მსოფლიოში, რადგან ის ერთ-ერთი ყველაზე ეფექტური, ეკოლოგიურად სუფთა და ეკონომიურად მომგებიანი გზაა ელექტროენერგიის მისაღებად. მზის პანელები არა მხოლოდ ამცირებს ელექტროენერგიის ხარჯს, არამედ გვეხმარება გარემოს დაცვასა და ენერგოდამოუკიდებლობის მიღწევაში. ტექნოლოგიების განვითარების ხარჯზე მზის პანელების ფასი დღეს უკვე საკმაოდ ხელმისაწვდომია, ხოლო გრძელვადიან პერსპექტივაში მათზე გაწეული დანახარჯიც სწრაფად იფარება.

რა ჯდება მზის პანელები?

მზის პანელების ფასი საქართველოში იწყება დაახლოებით $350 დოლარიდან 1 კვტ-იანი სისტემისთვის, თუმცა საბოლოო ღირებულება დამოკიდებულია მრავალ ფაქტორზე: რა სიმძლავრის სისტემა გჭირდებათ, რა ტიპის პანელებს ირჩევთ და ითვალისწინებთ თუ არა ინვერტორს, ბატარეას, როგორია მონტაჟის ხარჯები.

სტატიაში დეტალურად განვიხილავთ, რის მიხედვით განისაზღვრება მზის პანელების ფასი, შემოგთავაზებთ ფასების შედარებით ცხრილს და გაგაცნობთ იმ მახასიათებლებს, რომლებიც ყველაზე დიდ გავლენას ახდენენ მთლიანი სისტემის ღირებულებაზე. გარდა ამისა, გაგაცნობთ დაფინანსების შესაძლებლობებსაც.

თავდაპირველად გავარკვიოთ, რატომ უნდა აირჩიოთ მზის ენერგია, როგორ შეგვიძლია მისი მიღება და რა ელემენტებისგან შედგება მზის ელექტროსადგური.

მზის პანელების ფასები სიმძლავრის მიხედვით

მზის პანელების ფასის კალკულატორი

გსურთ გაიგოთ, რამდენი დაგიჯდებათ ოპტიმალური სისტემა თქვენი სახლისთვის ან ბიზნესისთვის? სცადეთ ჩვენი კალკულატორი ან დაგვიკავშირდით სრული კონსულტაციისთვის.

დაფინანსების შესაძლებლობები

თუ მზის პანელების სრული ღირებულების ერთიანად დაფარვა თქვენთვის რთულია, საქართველოში ხელმისაწვდომია დაფინანსების წყაროები – „აწარმოე საქართველოში“, ევროპის რეკონსტრუქციისა და განვითარების ბანკის (EBRD) პროექტები და გრძელვადიანი ენერგოკრედიტები. ჩვენი გუნდი დაგეხმარებათ საუკეთესო მოდელის შერჩევაში.

საქართველოში ასევე მოქმედებს ნეტო აღრიცხვის სისტემა. ჭარბი ენერგიის გამომუშავებისას შეგიძლიათ მისი ენერგოსისტემისთვის მიყიდვა.

დეტალური ინფორმაციისთვის გაეცანით ჩვენ სტატიას საქართველოში არსებული დაფინანსების შესაძლებლობების შესახებ.

რა უპირატესობები აქვს მზის ენერგიას

• ეკონომიური დანაზოგი: მზის ენერგია საშუალებას გაძლევთ შეამციროთ ან სრულად გაანულოთ ელექტროენერგიის ხარჯები.
• ენერგოდამოუკიდებლობა: აღარ ხართ დამოკიდებული საერთო ელექტრომომარაგების არასტაბილურობასა და ელექტროენერგიის ფასების რყევებზე.
• გარემოს დაცვა: მზის პანელები არ გამოყოფენ ნახშირორჟანგს ან სხვა მავნე გამონაბოლქვებს.
• გრძელვადიანი ინვესტიცია: მზის პანელების მომსახურების ვადა 25-30 წელია, დანახარჯის ანაზღაურება კი 4-7 წელიწადში ხდება.
• სახელმწიფო მხარდაჭერა: საქართველოში მოქმედებს სუბსიდიებისა და დაფინანსების პროგრამები, რომლებიც მიმართულია ქვეყანაში განახლებადი ენერგიის წარმოების ხელშეწყობასა და განვითარებაზე.

საქართველოში მზიანი დღეების რაოდენობა წელიწადში საშუალოდ 250–280 დღეა, რაც ქმნის იდეალურ პირობებს მზის ენერგიის ეფექტურად გამოყენებისთვის როგორც საცხოვრებელი, ასევე კომერციული მიზნებისთვის.

მზის სადგურის ელემენტები

მზის ენერგიის სისტემები შედგება რამდენიმე ძირითადი კომპონენტისგან:

• მზის პანელები (ფოტოელექტრული მოდულები): გარდაქმნიან მზის სინათლეს ელექტროენერგიად. ისინი შედგება ნახევარგამტარი მასალით დაფარული ფოტოელემენტებისგან, რომლებიც შთანთქავენ მზის სინათლის ნაწილაკებს და წარმოქმნიან მუდმივ (DC) დენს;
• ინვერტორი: გარდაქმნის მზის პანელების მიერ წარმოებულ მუდმივ (DC) დენს ცვლად დენად (AC 220ვ), რომელიც გამოიყენება საყოფაცხოვრებო ქსელებში;
• ბატარეები: სურვილის შემთხვევაში გამოიყენება ენერგიის დასაგროვებლად.

დამატებითი ელემენტები: სამონტაჟო კონსტუქცია; კაბელები, რომლებიც უნდა იყოს სეტყვაგამძლე და ასევე მზის დასხივებისგან დაცული; კონტროლერი (საჭიროა ბატარეებიან სისტემებში), რომელიც იცავს ბატარეებს ზედმეტად დატენვისგან ან გამორთვისგან; მრიცხველი ნეტო სისტემაში ჩასართავად; გამანაწილებელი ფარი; მონიტორინგის სისტემა.

შესაბამისად მზის ელექტროსადგურის მთლიანი ღირებულება დამოკიდებულია კონკრეტულ კომპონენტებზე, ინდივიდუალურ მოთხოვნების გათვალისწინებით.

მთავარი ფაქტორები, რომლებიც მოქმედებენ მზის პანელების ფასზე

• სისტემის სიმძლავრე: რაც მეტ ენერგიას მოიხმართ, მით უფრო დიდი სისტემა გჭირდებათ და შესაბამისად ფასიც იზრდება. მაგალითად, მცირე ბინისთვის საკმარისია 1–3კვტ, ხოლო კომერციული ობიექტისთვის შესაძლოა დაგჭირდეთ 10კვტ-ზე მეტი.
• პანელების ტიპი: მონოკრისტალური პანელები უფრო ეფექტურია, იკავებს ნაკლებ ადგილს, თუმცა ოდნავ ძვირია; პოლიკრისტალური – შედარებით იაფია.
• ბრენდი და ხარისხი: მაღალი ხარისხის და საერთაშორისო წამყვანი მწარმოებლების პროდუქცია შედარებით ძვირია, მაგრამ უფრო საიმედოა.
• ინვერტორი (გარდამქმნელი): ფასი დამოკიდებულია ბრენდზე, სიმძლავრეზე და ტიპზე. ქსელური ინვერტორი (on-grid) უკავშირდება სახელმწიფო ელექტრომომარაგების ქსელს (არ საჭიროებს ბატარეას); ჰიბრიდული მუშაობს როგორც ქსელთან, ასევე ბატარეებთან; უქსელო (off-grid) განკუთვნილია ავტონომიური სისტემებისთვის (მაგ., სახლებში, კოტეჯებში).
• მონტაჟის ხარჯი: ფასი განსხვავდება ადგილმდებარეობის, სახურავის ტიპის და სხვა ლოჯისტიკური ფაქტორებიდან გამომდინარე. საშუალოდ შეადგენს დაახლოებით 10–15%-ს სისტემის ღირებულებიდან.
• ბატარეები: თუ გსურთ ენერგიის შენახვა, მაგალითად ღამით ან ელექტროენერგიის გათიშვისას გამოსაყენებლად, ეს კომპონენტი მნიშვნელოვნად ზრდის სისტემის ფასს.

შეჯამება

მზის პანელების ფასი საქართველოში დამოკიდებულია სისტემის სიმძლავრეზე, ტექნოლოგიაზე და კომპონენტებზე. საშუალოდ 1 კვტ სისტემა ჯდება დაახლოებით $350 დოლარი, თუმცა საბოლოო ღირებულება დამოკიდებულია ინდივიდუალური მოთხოვნებზე. სთეფ ენერჯის ექსპერტები დაგეხმარებიან ოპტიმალური სისტემის შერჩევასა და მონტაჟში.

თუ უფრო დეტალური ინფორმაციით ხართ დაინტერესებული, ჩვენი გუნდი ნებისმიერ დროს მზადაა ყველა კითხვაზე ამომწურავად გიპასუხოთ.

Step Energy გთავაზობთ სრულ სამონტაჟო მომსახურებას – დაპროექტებიდან აღსრულებამდე. ჩვენ წარმატებით ვახორციელებთ როგორც მცირე, ასევე დიდ პროექტებს, რაც უზრუნველყოფს თქვენს ენერგოდამოუკიდებლობას და ხარჯების ოპტიმიზაციას. დაგვიკავშირდით და ჩვენი პროფესიონალთა გუნდი დაგეხმარებათ, რომ დაიწყოთ მზის ენერგიის უპირატესობების გამოყენება თქვენი მდგრადი მომავლისათვის.

მზის ენერგია – გზა ენერგოდამოუკიდებლობისკენ!